රණවිරු දරුවන්ට අභ්‍යාස පොත් බෙදා දීම.....
රත්නපුර දිස්ත්‍රික්කයේ රණවිරු දරුවන්ගේ අධ්‍යාපන කටයුතු සඳහා සහයවීමේ අරමුණින් සබරගමුව පළාත් ගරු ආණුඩුකාරවර ටිකිරි කොබ්බෑකඩුව මැතිතුමාගේ ප්‍රධානත්වයෙන්, සබරගමුව පළාත් සභාව සමඟ රණවිරු සේවා අධිකාරිය එක් ව පොත් ප්‍රදානය කිරීමේ වැඩසටහනක් 2021/02/18 දින සබරගමුව පළාත් ආණුඩුකාර කාර්යාලීය පරිශ්‍රයේ දී සංවිධානය කර තිබුණි.
රත්නපුර දිස්ත්‍රික්කයේ රණවිරු සංසඳ 17ම නියෝජනය කරමින් එක් අයෙකු බැඟින් මේ සඳහා සහභාගි කරවාගෙන තිබූ අතර රටේ පවතින තත්වය අනුව සෞඛ්‍ය උපදෙස් අනුගමනය කරමින් එය පැවැත්විණි. මේ සඳහා රණවිරු සේවා අධිකාරිය නියෝජනය කරමින් සබරගමුව පළාත් නිලධාරී එම්.බි.එම්.විමලරත්න මහතා සහ රත්නපුර දිස්ත්‍රික් නිලධාරි රුසිර ගයාන් මහතා සහභාගි විය. තවද කෑගල්ල දිස්ත්‍රික්කයේ සිටින රණවිරු දරුවන් සඳහා ද මෙම පොත් බෙදා දීමේ වැඩසටහන ඉදිරියේදීත් ක්‍රියාත්මක කිරීමට නියමිතයි.
