ආණමඩුව රණවිරු සංසදයේ රණවිරු ගැටළු සභාපතිතුමන්ගේ අවධානයට….
පුත්තලම් දිස්ත්‍රික්කයේ ආණමඩුව කරුවලගස්වැව ප්‍රදේශයේ පැවති රණවිරු අනුස්මරණ රුක් රෝපණ වැඩසටහනක් අතරතුර දී ආණමඩුව රණවිරු සංසඳයේ රණවිරු පවුල්වල ළඟම ඥාතීන් සමග ඔවුන්ගේ ගැටලු සහ සුබසාධන අවශ්‍යතා පිළිබඳ හඳුනාගැනීමේ සාකච්ඡාවක් පැවැත්විණි.
මෙහිදී ආණමඩුව රණවිරු සංසදයේ සාමාජිකයන් විසින් ඉදිරිපත් කරන ලද ගැටළු පුද්ගලිකව විමසා බලා අවශ්‍ය විසඳුම් ලබාදීමට රණවිරු සේවා අධිකාරියේ සභාපති විශ්‍රාමික මේජර් ජෙනරල් නන්දන සේනාධීර මහතා විසින් කටයුතු කරන ලදී.
එහිදී රණවිරු සංසද සාමාජිකයන් විසින් ඉදිරිපත් කරන ලද ගැටළු එම අවස්ථාවේදීම නිරාකරණය කිරීම සඳහා අවශ්‍ය ඉදිරි වැඩ කටයුතු සිදු කිරීමට අවැසි උපදෙස් උතුරු මැද පළාත් භාර නියෝජ්‍ය අධ්‍යක්ෂක සහ පුත්තලම දිස්ත්‍රික් නිලධාරී වෙත ලබා දෙන ලදී.
