කළුතර කිදෙල්පිටිය රණවිරු ගම්වාසීන් විශේෂ ආගමික වැඩසටහනක් සංවිධානය කරයි...

කළුතර දිස්ත්‍රික්කයේ ඉදිපිටිය, කිදෙල්පිටිය රණවිරු ගම්මානයේ ගම්වාසීන් විසින් වාර්ෂිකව සංවිධානය කරනු ලබන විශේෂ ධර්ම දේශනාව, දානමය පිංකම සහ ආගමික වැඩසටහන 2022 ජනවාරි මස 9 සහ 10 දෙදින පුරා කිදෙල්පිටිය රණවිරු ගම්මානයේ දී පවත්වන ලදී.
මෙම විශේෂ ආගමික වැඩසටහනේදී රට දැය වෙනුවෙන් දිවි පිදූ වීරෝධාර රණවිරුවන් හා කොවිඩ් වසංගත තත්ත්වයෙන් රෝගාතුරව සිටින ජනතාවට සෙත් පතා විශේෂ ධර්ම දේශනා හා දානමය පිංකමක් දෙදිනක් පුරා පවත්වන්නට යෙදුනි.
රණවිරු සේවා අධිකාරිය නියෝජනය කරමින් කලුතර දිස්ත්‍රික් වැඩසටහන් නිලධාරීනි ගයේෂි ලක්ෂිකා මෙම ආගමික වැඩසටහන් සඳහා සහභාගී වන ලදී.