බදුල්ල දිස්ත්‍රික් රණවිරු සංසද සඳහා නොමිලේ පොල් පැල බෙදා දෙයි
"විරු දෑතට කප්රුකක් " තේමාව යටතේ 74 වන නිදහසට සමගාමීව රණවිරු ප්‍රජාව සදහා පොල් පැල ලබාදීමේ බදුල්ල දිස්ත්‍රික් වැඩසටහන පසුගියදා ඌවපරණගම ප්‍රාදේශීය ලේකම් කාර්යාලයේ දී පැවැත්වීය.
ඌවපරණගම ප්‍රාදේශීය ලේකම්තුමියගේ හා පොල් වගා කිරීමේ මණ්ඩලයේ මොණරාගල ප්‍රාදේශීය කලමනාකාර හා පොල් සංවර්ධන නිලධාරීන්ගේ සහභාගිත්වයෙන් සාර්ථකව මෙම වැඩසටහන පැවැත්වීය.
මෙහිදී පොල් වගාව සදහා අවශ්‍ය වන මූලික දැනුමද රණවිරු ප්‍රජාවට ලබාදෙමින් දේශනයක්ද පවත්වන ලදී. රණවිරු ප්‍රජාව වෙනුවෙන් නොමිලේ පොල්පැල බෙදා දීමද මෙහිදී සිදුකරන ලදී.
