මාතලේ රණවිරුවන්ට නොමිලේ පොල් පැල බෙදා දෙයි

"විරු දෑතට කප්රුකක් " යන තේමාව යටතේ රණවිරු ප්‍රජාව සදහා පොල් පැල ලබාදීමේ මාතලේ දිස්ත්‍රික් වැඩසටහන පසුගියදා මාතලේ දිස්ත්‍රික්කයේ අලුවිහාරය රණවිරු ගම්මානයේදී පවත්වනු ලැබීය. පොල් සංවර්ධන මණ්ඩලයේ සහකාර කළමණාකාරු උදේනි යාපා මහත්මිය හා මාතලේ දිස්ත්‍රික් වැඩසටහන් නිලධාරි තනුජා දර්ශනි මහත්මියගේ ප්‍රදානත්වයෙන් මෙම වැඩසටහන සාර්ථකව පවත්වන ලදී. මෙහිදී පොල් වගාව සදහා අවශ්‍ය වන මූලික දැනුමද රණවිරු ප්‍රජාවට ලබාදෙමින් දේශනයක්ද පවත්වන ලදී. එසේම මාතලේ දිස්ත්‍රික්කයේ සියලුම රණවිරු සංසද ආවරණය වන පරිදි පොල් පැළ බෙදා දීමද සිදු විය.