ආසියානු පැරා මේස පන්දු තේරීම් තරගාවලියේ A 6/8 කාණ්ඩයෙන් රණවිරු සේවා අධිකාරියට ජයග්‍රහණයක්...

විජයබාහු පාබල රෙජිමේන්තු ගෘහස්ථ ක්‍රීඩාගාරයේ පැවති 2022 ආසියානු පැරා මේස පන්දු තේරීම් තරගාවලිය සඳහා රණවිරු සේවා අධිකාරියේ මේස පන්දු සංචිතය නියෝජනය කරමින් සුදුසුකම් ලැබීමේ තරගයට සහභාගි වූ රණක්ෂිතයට පත් ඩී.ටී.ටී අබේසිංහ රණවිරුවා A 6/8 කාණ්ඩයේ තරග සියල්ලෙහි ජයග්‍රහණය හිමිකර ගෙන තිබේ.
2022 ආසියානු පැරා මේස පන්දු තරගාවලිය සඳහා රණවිරු සේවා අධිකාරිය නියෝජනය කරමින් සහභාගීවූ ඩී.ටී.ටී අබේසිංහ රණවිරුවා A 6/8 කාණ්ඩයෙන් තරග කල සියලුම තේරීම් තරග වලින් ජයග්‍රහණය කිරීමට සමත් වී ඇත. මෙමගින් 2022 ආසියානු පැරා මේස පන්දු සංචිතය සඳහා තේරී පත්වීමට වීමට වැඩි අවස්ථාවක් අනාගතයේ දී ඔහුට හිමි වනු ඇත.
ඔහුගේ ඉදිරි තරග ජයග්‍රහණයන් සඳහා රණවිරු සේවා අධිකාරියේ සභාපතිතුමන් ඇතුළු සමස්ථ කාර්ය මණ්ඩලයේ සුභාශිංසනය පුදකර සිටිමු.