රණවිරු කොඩිය සඳහා සබරගමුව පළාත් ආණ්ඩුකාර කාර්යාලය සම්මාදම් වෙයි
සබරගමුව පළාත් රණවිරු කොඩි පැළදවීම පසුගිය දා රත්නපුර පිහිටි ආණ්ඩුකාර කාර්යාලයේ දී ආණ්ඩුකාර ටිකිරි කොබ්බෑකඩුව මහතාගේ ප්‍රධානත්වයෙන් පැවැත්විණි.
මෙහිදී පළාත් රාජ්‍ය ආයතන සදහා ලබා දීමට රණවිරු කොඩි 50,000 ප්‍රදානය කිරීම ද සිදුවිය.
සබරගමුව පළාත් ආණ්ඩුකාර කාර්යාලය සහ රණවිරු සේවා අධිකාරිය විසින් පළාතේ රාජ්‍ය ආයතන සදහා මෙම රණවිරු කොඩි ලබා දීම සිදු කරන අතර, එයින් ලැබෙන ආදායම රණවිරුවන්ගේ සුභ සාධනය සදහා යෙදවීමට අපේක්ෂා කෙරේ.
මෙම අවස්ථාව සඳහා ආණ්ඩුකාර ලේකම් එච්.ඩී. සිසිර, ආණ්ඩුකාර පෞද්ගලික ලේකම් මංජුලා ඉදිගහවෙල, පරිපාලන නිලධාරී ජයසිංහ බණ්ඩාර, රණවිරු අධිකාරියේ පළාත් නිලධාරී රෝහණ විජේරත්න , රත්නපුර දිස්ත්‍රික් නිලධාරී, පී.ආර්.ජී. විජයවික්‍රම යන මහත්ම මහත්මීන් ඇතුළු පිරිසක් සහභාගී විය.
