කෝප්‍රල් ප්‍රියදර්ශණ කේ ඒ සී රණවිරුවාගේ නිවසට විදුලිය ලැබෙයි.......

අංක 311, බොරලුහින්න, රඹෑව ලිපිනයේ පදිංචි කොමාන්ඩෝ රෙජිමේන්තුවේ සේවයේ යෙදී සිට රට දැය වෙනුවෙන් දිවි පිදූ කෝප්‍රල් ප්‍රියදර්ශණ කේ ඒ සී රණවිරුවාගේ බිරිඳ වන තරංගා කුමාරි තිලකරත්න මහත්මියගේ ගෘහයට විදුලිය ලබා ගැනීම වෙනුවෙන්, රු. 20,650.00 ක මූල්‍ය පරිත්‍යාගයක් 2020.06.19 දින රණවිරුවාගේ නිවසේදී රණවිරු සේවා අධිකාරියේ අධ්‍යක්ෂතුමාගේ සුරතින් සිදු කරන ලදී. රණවිරු සේවා අධිකාරියේ සභාපති තුමාගේ ඉල්ලීමකට අනුව කැනඩාවේ පදිංචි දානපති කිත්සිරි පෙරේරා මහතා සහ එම මැතිණිය විසින් රණවිරු සේවා අධිකාරියට කරන ලද මූල්‍ය පරිත්‍යාගය රණවිරු බිරිද වන තරංගා කුමාරි තිලකරතන්න මහත්මියගේ නිවසට විදුලි ආලෝකය ලබාගැනීම පිණිස යොදවන ලදී.