රණවිරු සේවා අධිකාරියෙන් සංදීප කල්හාර රණවිරු පුතුට ක්‍රිකට් ක්‍රීඩා උපකරණ...

2009.02.05 දින ත්‍රස්ත ප්‍රහාරයකින් සෙට්ටිකුලම් ප්‍රදේශයේදී 1 වන රෙජිමේන්තුව සන්නද්ධ බුද්ධි බලකායට අයත් දිවිපිදූ 775365 බලලත් නිලධාරි ii එච්කේඑස් රත්නපාල රණවිරුවාගේ පුත් තර්ස්ටන් විදුහලේ 12 වන ශ්‍රේණියේ ඉගෙනුම ලබන එම විද්‍යාලයීය ක්‍රිකට් කණ්ඩායම නියෝජනය කරන සංදීප කල්හාර රත්නපාල පුතුගේ ඉල්ලීමකට අනුව කැනඩාවේ පදිංචි කිත්සිරි පෙරේරා මහතා සහ එම මහත්මියගේ මෙන්ම රණවිරු සේවා අධිකාරියේ සභාපති මේජර් ජෙනරල් නන්දන සේනාධීරගේ ධන පරිත්‍යාගයෙන් ක්‍රිකට් ක්‍රීඩා කිරීම සඳහා අවශ්‍ය වන උපකරණ කට්ටලයක් 2020.06.24 වන දින ප්‍රදානය කරන ලදී. මෙම කටයුත්ත රණවිරු සේවා අධිකාරි පරිශ්‍රයේදී රණවිරු සේවා අධිකාරියේ සභාපතිතුමා, අධ්‍යක්ෂතුමා, නියෝජ්‍ය අධ්‍යක්ෂ කමල්සිරි මහතා සහ කළුතර දිස්ත්‍රික් නිලධාරිනි ගයේෂි ලක්ෂිකා මෙනවියගේ ප්‍රදානත්වයෙන් සිදු විය.