රණවිරු තොරතුරු පද්ධතිය යාවත් කාලීන කිරීම කඩිනම් කෙරේ
රණවිරු සේවා අධිකාරියේ පළාත් නියෝජ්‍ය අධ්‍යක්ෂකවරුන් සහ දිස්ත්‍රික් වැඩසටහන් නිලධාරීන් විසින් දැනට සිදු කරගෙන යනු ලබන රණවිරු දත්ත පද්ධතිය සදහා අවශ්‍ය රණවිරු තොරතුරු ඒකරාශි කිරීමේ වැඩසටහනේ ප්‍රගතිය පිළිබඳ විමසීමේ සාකච්ඡාවක් අධ්‍යක්ෂක තුමන්ගේ ප්‍රධානත්වයෙන් පසුගිය දා ප්‍රධාන කාර්යාලයේ දී පැවැත්වීය.
මෙහිදී රණවිරු තොරතුරු ඒකරාශී කර ගැනීමේ දී පැන නැගී ඇති ප්‍රායෝගික ගැටළු විසඳාගැනීම සඳහා අවශ්‍ය උපදෙස් ලබාදීම සහ දිස්ත්‍රික්ක වැඩසටහන් නිලධාරීන් මුහුණ පා සිටින රාජකාරිමය ගැටළු පිළිබඳ අධ්‍යයනය කිරීමත් ඔවුන්ගේ ඉදිරි කටයුතු පිළිබඳ සාකච්ඡා කිරීමත් මෙහිදී සිදුවිය.
රණවිරු සේවා අධිකාරියේ අධ්‍යක්ෂ මේජර් ජෙනරල් කිත්සිරි ඒකනායක (විශ්‍රාමික), පළාත් නියෝජ්‍ය අධ්‍යක්ෂවරුන්, දිස්ත්‍රික් වැඩසටහන් නිලධාරීන් සහ හමුදා නිලධාරීන් මේ අවස්ථාවට සහභාගි විය.
