විදෙස්ගත වීමට අපේක්ෂිත මාතලේ දිස්ත්‍රික් රණවිරුවන් වෙනුවෙන් විශේෂ වැඩසටහනක්
මාතලේ දිස්ත්‍රික්කයේ රැකියා සදහා විදේශගත වීමට අපේක්ෂිත රණවිරු සංසදයන්හි සාමාජිකයන් ,රණවිරු දරුවන් කේන්ද්‍ර කර ගනිමින් "රණවිරු - රටවිරු සහයෝග්‍යතාව 2022" මැයෙන් වැඩසටහනක් 2022.11.16 දින මාතලේ දිස්ත්‍රික් ලේකම් කාර්යාලය ශ්‍රවණාගාරයේදී පවත්වන ලදි.
මාතලේ දිස්ත්‍රික්කය නියෝජනය කරන රණවිරු සංසද සාමාජිකයන් පනස් දෙදෙනකුගේ (52) සහභාගිත්වයෙන් පැවැත්වූ මෙම වැඩසටහන සඳහා සම්පත් දායකත්වය දිස්ත්‍රික් විදේශ රැකියා ප්‍රවර්ධන නිලධාරී ප්‍රසන්න රත්නායක මහතා විසින් ලබා දෙන ලදි.
එසේම මෙම වැඩසටහන මගින් මාතලේ දිස්ත්‍රික්කය තුල විදේශ රැකියා සදහා යොමු වන අප රණවිරු සංසද සාමාජිකයන්ගේ අවශ්‍යතාවන් සෘජුවම දිස්ත්‍රික් විදේශ රැකියා ප්‍රවර්ධන නිලධාරිතුමන් හරහා විසදුම් ලබාදීමට ද කටයුතු කෙරේ.
එසේම රජය මගින් ලබා දෙන රැකියා අවස්ථාවන් පිළිබඳව අදාල අවස්ථාවන්හිදී දැනුවත් කිරීම හා ඊට අදාළ තාක්ෂණික නිපුණතාවය,භාශා ප්‍රවීණත්වය සදහා නොමිලේ පැවැත්වෙන පාඨමාලා සදහා අප රණවිරු සංසද සාමාජිකයන් යොමු කිරීමටත් අවස්ථාව උදා වනු ඇත.
මාතලේ දිස්ත්‍රික් වැඩසටහන් නිලධාරිනී තනූජා දර්ශනී මහත්මියගේ සංවිධානයෙන් මෙම දැනුවත් කිරීමේ වැඩසටහන පවත්වන ලදී.
