මහවැව රණවිරු සංසදයෙන් සමාජ සත්කාරයක්
මහවැව රණවිරු සංසදය විසින් වාර්ෂිකව සංවිධානය කරනු ලබන දානමය පිංකමක් පසුගිය දා මහවැව සිවිරාජ ළමා නිවාසයට ලබා දීම සිදුකරන ලදී.
පුත්තලම දිස්ත්‍රික් වැඩසටහන් නිලධාරිනී මනෝරි කුමාරි මහත්මියගේ සංවිධානයෙන් පැවැත්වූ මෙම සමාජ සත්කාර වැඩසටහන සඳහා මහවැව රණවිරු සංසද සාමාජිකයන් සහ රණවිරු දු දරුවන් පිරිසක් සහභාගි විය.
දේශයේ ඒකීයභාවය වෙනුවෙන් සටන් වැද දිවිදුන් රණවිරු පවුල්වල සාමාජිකයන් සහ යුද්ධයෙන් රණක්ෂිතයට පත්ව නිවෙස් වලට වී ප්‍රතිකාර ලබන රණවිරුවන්ගේ පවුල්වල සාමාජිකයන් විසින් තම සටන් සගයන් සිහි කරමින් ඔවුන්ට පින් අනුමෝදන් කරමින් සහ නිරෝගී සුවය පතමින් පැවැත්වූ මෙම පුණ්‍යමය වැඩසටහන සඳහා එම රණවිරු සමාජිකයන්ගේ පෞද්ගලික මුදල් යොදවා සිදු කිරීම විශේෂත්වයකි.
