මඩකලපුව දිස්ත්‍රික්කයේ රණවිරුවන් වෙනුවෙන් විශේෂ වැඩසටහනක්
මඩකලපුව දිස්ත්‍රික්කයේ රණක්ෂිතයට පත් රණවිරුවන් හා දිවිපිදු රණවිරු පවුල් සාමාජිකයන් මුහුණ දෙන ගැටළු පිළිබඳව සාකච්ඡාකිරීමේ විශේෂ වැඩසටහනක් පසුගියදා මඩකලපුව ජ්‍යෙෂ්ඨ පොලිස් අධිකාරි කාර්යාලය පරිශ්‍ර ශ්‍රවණාගාරයේදී පැවැත්වීය.
මෙහිදී රණවිරු ප්‍රජාව මුහුණ දෙන ගැටළු පිළිබඳව සාකච්ඡාවට ගැනුණු අතර ඇතැම් ගැටළු සදහා එම අවස්ථාවේදීම විසදුම් ලබා දෙන ලදී.
ත්‍රිකුණාමලය හා මඩකලපුව දිස්ත්‍රික් වැඩසටහන් නිලධාරී චමත් අනුපම ලියනගේ මහතාගේ සහ නැගෙනහිර පළාත් නියෝජ්‍ය අධ්‍යක්ෂ ගුණදාස හේමචන්ද්‍ර මහතාගේ සංවිධානයෙන් පැවැත්වූ මෙම වැඩසටහන සඳහා රණවිරු පවුල් 75 ක් පමණ සහ මඩකලපුව ජ්‍යෙෂ්ඨ පොලිස් අධිකාරි L.R කුමාරසිරි මහතාද සහභාගි විය.
