කාබනික ගෙවතු වගාව පිළිබඳව දිඹුලාගල රණවිරු සංසද සාමාජිකයන් දැනුවත් කෙරේ
රණවිරු සේවා අධිකාරියේ විශ්‍රාමික රණවිරු හා විශේෂ ව්‍යාපෘති අංශයේ සංවිධානයෙන් ක්‍රියාන්විත රාජකාරියේදී රණක්ෂිතයට පත් රණවිරුවන් හා සංසද සාමාජිකයන් යොදවා ගනිමින් කාබනික පොහොර භාවිතය,ගෙවතු වගාව, වී ගොවිතැන නගා සිටවිමේ දීප ව්‍යාප්ත වැඩසටහන් මාලාවේ තවත් එක් වැඩසටහනක්‌ දිඹුලාගල ප්‍රදේශයේදී 2023 මාර්තු මස 28 දින පවත්වනු ලැබීය.
මෙම වැඩසටහන සදහා දිඹුලාගල ප්‍රදේශයේ රණවිරු සංසද සාමාජිකයන් 30 දෙනෙකු පමණ සහභාගි විය.
පොළොන්නරුව දිස්ත්‍රික් ර්‍ වැඩසටහන් නිලධාරී කසුන් චතුරංග මහතාගේ සංවිධානයෙන් පැවැත්වූ මෙම වැඩසටහන සඳහා රණවිරු සේවා අධිකාරියේ විශේෂ කෘෂි පුහුණු උපදේශක කෝප්‍රල් සුමිත් කුමාර මහතා හා මහවැලි B කලාපයේ දිඹුලාගල ඒකක කළමනාකරු සම්පත් මහාතා, පශු සම්පත් සංවර්ධන සහකාර ඉෂංක දිසානායක මහත්මයාගේ සම්පත් දායකත්වයෙන් මෙම වැඩසටහන සාර්ථකව පැවැත්වීය.
