වරාය අධිකාරියේ සභාපති තුමන්ගෙන් රණවිරු කොඩියට දායකත්වයක්
රණවිරු සේවා අධිකාරිය මගින් ක්‍රියාත්මක අරමුදල් සම්පාදනය කිරීමේ ක්‍රියාදාමයෙහි රණවිරු කොඩි අලෙවියෙහි එක් අවස්ථාවක් ලෙස ශ්‍රී ලංකා වරාය අධිකාරියේ සභාපති කීත් ද බර්නාඩ් මහතා වෙත රණවිරු කොඩිය පිළිගැන්වීම අද දින (29) සිදු කරන ලදී.
වරාය අධිකාරිය හා සම්බන්ධ ආයෝජකයන් හා සමාගම් රණවිරු සේවා අධිකාරියේ සුබසාධන ව්‍යාපෘතීන් කෙරෙහි සම්බන්ධ කර ලීමේ කටයුතු ඉදිරියේදී සිදුකිරීමට ද එතුමන් එකඟ වන ලදී. මේ හරහා රණවිරු සුබසාධනයට අවශ්‍ය අරමුදල් සම්පාදනය කර ගැනීම සඳහා අවශ්‍ය වන මැදිහත්වීම ලබාදීමට ද එතුමන් එකඟතාවය පළ කරන ලදී.
රණවිරු සේවා අධිකාරියේ අධ්‍යක්ෂ මේජර් ජෙනරල් කිත්සිරි ඒකනායක (විශ්‍රාමික) මහතා ඇතුළු කාර්ය මණ්ඩලයේ නිලධාරී මහත්ම මහත්මීන්ගේ සහභාගිත්වයෙන් මෙම රණවිරු කොඩිය පැළැදවීම සිදු කරන ලදී.
