රත්නපුර රණවිරු සැමරුම් උත්සවයක් සංවිධානය කෙරේ

ජාතික රණවිරු අනුස්මරණ උත්සවයට සමගාමීව පළාත් මට්ටමින් පවත්වනු ලබන රණවිරු අනුස්මරණ උත්සවයන්හි සබරගමුව පලාත් රණවිරු අනුස්මරණ උත්සවය 2023.05.17 වන දින රත්නපුර නවනගරය රණවිරු ස්මාරකය අභියසදී පලාත් සභාවේ සභානායක කාංචන ජයරත්න මැතිතුමාගේ ප්‍රධානත්වයෙන් පැවැත්වුණි.

මෙම උත්සවය සදහා සබරගමුව පලාත් ආණ්ඩුකාරතුමන්ගේ පුද්ගලික ලේකම්තුමිය, පළාත් ප්‍රධාන ලේකම්තුමන්, ආණ්ඩුකාර ලේකම්තුමන් හා රණවිරු සේවා අධිකාරියේ සබරගමුව පළාත් නියෝජ්‍ය අධ්‍යක්ෂක රෝහණ විජේරත්න මහතා හා රණවිරු පවුල් වල සාමාජිකයින් 150 ක් සහභාගී කරගනිමින් පැවැත්වුණි.