ශ්‍රී ලංකා ධීවර සංස්ථාවේ සභාපති ඩී.වී උපුල් මහතා ගෙන් රණවිරු කොඩියට නිවාසයකින් දායකත්වයක්
රණවිරු සේවා අධිකාරිය මගින් ක්‍රියාත්මක අරමුදල් සම්පාදනය කිරීමේ ක්‍රියාදාමයෙහි රණවිරු කොඩි අලෙවියෙහි එක් අවස්ථාවක් ලෙස ශ්‍රී ලංකා ධීවර සංස්ථාවේ සභාපති ඩී.වී උපුල් මහතා වෙත රණවිරු කොඩිය පිළිගැන්වීම 2023 මැයි මස 30 වැනි දින සිදු කරන ලදී.
ධීවර සංස්ථාව හා සම්බන්ධ ආයෝජකයන් හා සමාගම් රණවිරු සේවා අධිකාරියේ සුබසාධන ව්‍යාපෘතීන් කෙරෙහි සම්බන්ධ කර ලීමේ කටයුතු ඉදිරියේදී සිදුකිරීමට ද එතුමන් එකඟ වන ලදී. මේ හරහා රණවිරු සුබසාධනයට අවශ්‍ය අරමුදල් සම්පාදනය කර ගැනීම සඳහා අවශ්‍ය වන මැදිහත්වීම ලබාදීමට ද එතුමන් එකඟතාවය පළ කරන ලදී.
ධීවර සංස්ථාවේ සභාපතිතුමන්ගේ සහ ඔහුගේ මිතුරන් කිහිප දෙනෙකුගේ අනුග්‍රාහකත්වය මත යුද්ධයෙන් රණක්ෂිතයට පත් රණවිරුවෙකු සඳහා නිවසක් පරිත්‍යාග කිරීමට එකඟතාවය පළ කරන ලදී.
රණවිරු සේවා අධිකාරියේ අධ්‍යක්ෂ මේජර් ජෙනරල් කිත්සිරි ඒකනායක (විශ්‍රාමික) මහතා ඇතුළු කාර්ය මණ්ඩලයේ නිලධාරී මහත්ම මහත්මීන්ගේ සහභාගිත්වයෙන් මෙම රණවිරු කොඩිය පැළැදවීම සිදු කරන ලදී.
