සෙනෙහසේ දරුවන් සෙනෙහසින් පොසොන් සමරයි
නාරාහේන්පිට මැනිං ටවුන් කඳවුරු පරිශ්‍රය තුල පිහිටා තිබෙන සෙනෙහස විශේෂ සම්පත් අධ්‍යාපන කේන්ද්‍රය කාර්ය මණ්ඩලයේ සහ දරු දැරියන්ගේ බැතිබර දායකත්වයෙන් සංවිධානය කරන ලද විශේෂ පොසොන් බැති ගී සංදර්ශන සහ කොස් දන්සල 2023 ජුනි මස පළමුවෙනි බ්‍රහස්පතින්දා සවස් කාලයේ දී මැනිං ටවුන් කඳවුරු පරිශ්‍ර ක්‍රීඩා පිටියේ දී පවත්වන ලදී.
රණවිරු සේවා අධිකාරියේ උප සභාපතිනිය මෙන්ම සෙනෙහස අධ්‍යාපන සම්පත් කෙන්ද්‍රයේ ප්‍රධාන අධීක්ෂණ නිළධාරිනී සෝනියා කෝට්ටේගොඩ මහත්මියගේ මගපෙන්වීම යටතේ සෙනෙහස සම්පත් කේන්ද්‍රයේ සේනාවිධායක තුමන්ගේ සංකල්පනාවක් මත කාර්ය මණ්ඩලයේ සියලුම සාමාජිකන්ගේ දායකත්වයෙන් සංවිධානය කර තිබූ මෙම විශේෂ පොසොන් වැඩසටහන සඳහා රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතා ප්‍රධාන ආරාධිතයා වශයෙන් සහභාගි වන ලදී.
සෙනෙහස සම්පත් කේන්ද්‍රයේ සේනාවිධායක තුමන් ඇතුළු කාර්ය මණ්ඩලයේ සාමාජික සාමාජිකාවන්, ප්‍රදේශවාසීන් සහ දරු දැරියන්ගේ දෙමව්පියන් මෙම පොසොන් උත්සව අවස්ථාවට සහභාගී විය.
