රාජ්‍ය දැව සංස්ථාවේ සභාපති තුමන්ගෙන් රණවිරු කොඩියට දායකත්වයක්
රණවිරු සේවා අධිකාරිය මගින් ක්‍රියාත්මක අරමුදල් සම්පාදනය කිරීමේ ක්‍රියාදාමයෙහි රණවිරු කොඩි අලෙවියෙහි තවත් එක් අවස්ථාවක් ලෙස රාජ්‍ය දැව සංස්ථාවේ සභාපති බී.එස් ගුණරත්න මහතා වෙත රණවිරු කොඩිය පිළිගැන්වීම 2023 ජුනි මස 12 වන දින සිදු කරන ලදී.
රාජ්‍ය දැව සංස්ථාවේ මානව සම්පත් කලමනාකරණ හා පාලන අංශයේ නියෝජ්‍ය අධ්‍යක්ෂ ජෙනරල් එම්.ඒ.සී.එන් සමරසිංහ මහතාගේ සම්බන්ධීකරණය මත පැවැත් වූ මෙම වැඩසටහනේ දී අංශ ප්‍රධානීන් වෙත රණවිරු කොඩිය පළඳා රණවිරු සුබසාධනය සඳහා ඔවුන්ගේ සහයෝගය ලබා ගැනීමට ද අවස්ථාව සලසා ගන්නා ලදී.
රණවිරු සේවා අධිකාරියේ අධ්‍යක්ෂ මේජර් ජෙනරල් කිත්සිරි ඒකනායක (විශ්‍රාමික) මහතා ඇතුළු කාර්ය මණ්ඩලයේ නිලධාරී මහත්ම මහත්මීන්ගේ සහභාගිත්වයෙන් මෙම රණවිරු කොඩිය පැළැදවීම සිදු කරන ලදී
