ආසියානු පැරාඔලිම්පික් රන් පදක්කම් බලාපොරොත්තුවට තවත් පියවරක්

රණවිරු සේවා අධිකාරියේ ක්‍රීඩා සංචිතය නියෝජනය කරන බළලත් නිළධාරී II අනිල් ප්‍රසන්න ජයලත් ක්‍රීඩකයා T42 මීටර් 100 දිවීමේ තරඟ ඉසව්ව සඳහා සහභාගී වීමට නියමිතව ඇත. ඔහුගේ පුහුණු වීම් මෙන්ම, අවශ්‍ය විටමින් හා ශක්ති ජනක පානයන් මේ වන විටත් රණවිරු සේවා අධිකාරිය වෙතින් ලබා දෙන අතර පෝෂ්‍යදායී ආහාර වේලක් ලබා දීම සඳහා ද සභාපති තුමාගේ අවධානය යොමු විය.

මෙම රණවිරුවාගේ ක්‍රීඩා කුසලතාවයන් ඔප නැංවීම සඳහා අවශ්‍ය පෝෂ්‍ය දායි ආහාර ලබා ගැනීම වෙනුවෙන් මාසිකව රු. 3,9000.00 ක දීමනාවක් ඔහු වෙත ලබා දීමට රණවිරු සේවා අධිකාරිය කටයුතු කරනු ලබයි. එම ක්‍රීඩා සංවර්ධන වැඩ සටහනේ මාසික පළමු ආහාර දීමනාව ලබා දෙමින් ඔහුගේ ක්‍රීඩා කටයුතු වෙනුවෙන් පිළිගැන්වීමේ විශේෂ සාකච්ඡාවක් රණවිරු සේවා අධිකාරියේ සභාපති මේජර් ජෙනරල් නන්දන සේනාධීර විශ්‍රාමික මහතාගේ ප්‍රධානත්වයෙන් 2023 ජූනි මස 16 වන දින පවත්වන ලදී.