මනුසත් සදහම් සමාජ සත්කාර පිටුව සහ දහම් පැතුම එක්ව රණවිරු දියණියකගේ ජීවිතයට සවියක් වෙයි
සමනුසත් සදහම් සමාජ සත්කාර පිටුව සහ දහම් පැතුම සංවිධානයේ සසිකලා ගුණරත්න සහ නදී සමරසිංහ මහත්මීන්ගේ සම්බන්ධීකරණයෙන් දකුණු පළාතේ ගාල්ල කරන්දෙනිය රණවිරු සංසදයේ මාතෘභූමිය වෙනුවෙන් දිවිපිදූ සෙනවිරත්න රණවිරුවාගේ පූර්ණ ආබාධ තත්ත්වයට පත් දියණියහට කොමඩ් රෝදපුටුවක් පරිත්‍යාග කරන ලදී.
රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන් මහතාගේ සම්බන්ධීකරණයෙන් මෙම රෝද පුටුව රණවිරු දියණියගේ නිවසට ලබාදීමට කටයුතු කරනු ලැබීය.
ඇයගේ සහ පවුලේ සාමාජිකයන්ගේ සියලු වේදනාවන් නිවේවා යන්න රණවිරු සේවා අධිකාරියේ සභාපති මේජර් ජෙනරල් නන්දන සේනාධීර විශ්‍රාමික මහතා ඇතුළු කාර්ය මණ්ඩලයේ ප්‍රාර්ථනයයි.
