විරු අභිමන් ක්‍රිකට් තරඟාවලිය - මාතර දිස්ත්‍රික්කය.
මාතර දිස්ත්‍රික්කයේ රණවිරු සංසද අතර සුහදතාවය වර්ධනය කිරීමේ අරමුණින් 2024 දෙසැම්බර් මස 20 වන දින මාතර උයන්වත්ත ක්‍රීඩාංගනයේදී සැහැල්ලු පන්දු ක්‍රිකට් තරඟාවලියක් පවත්වන ලදී.
මාතර දිස්ත්‍රික්කයේ රණවිරු සංසද 16න් ම කණ්ඩායම් 16 ක් මේ සඳහා සම්බන්දවිය. මෙම ක්‍රිකට් තරඟාවලිය නැරඹීම සඳහා මාතර දිස්ත්‍රික්කයේ රණවිරු පවුල් විශාල පිරිසක් සහභාගී වන ලදී. මෙහි ශූරතාවය කොටපොල රණවිරු සංසදයත්, අනුශූරතාවය අතුරලිය රණවිරු සංසදයත් තෙවන ස්ථානය පස්ගොඩ සංසදයත් දිනාගන්නා ලදී.
මෙම වැඩසටහන සඳහා මාතර ප්‍රාදේශීය ලේකම් සුසන්න අත්තනායක මහතා, සහකාර දිස්ත්‍රික් ලේකම් ආර්. ලක්මාලි තේනුවර මහත්මිය, රණවිරු සේවා අධිකාරියේ අධ්‍යක්‍ෂතුමා, නියෝජ්‍ය අධ්‍යක්‍ෂ ළහිරු රාජනායක මහත්මිය සහ මාතර දිස්ත්‍රික් නිලධාරි එච්. චමිදු ශිරාන් මහතා සහභාගී වන ලදී.
