කෑගල්ල දිස්ත්‍රික්කයේ රණවිරුවන් සඳහා ආබාධිත උපකරණ පරිත්‍යාගයක්....

රණවිරු සේවා අධිකාරියේ සභාපතිතුමාගේ සහ අධ්‍යක්ෂතුමාගේ උපදෙස් හා මගපෙන්වීම මත පසුඋවටැන හා පුනරුත්ථාපන අංශය මගින් ක්‍රියාත්මක කරනු ලබන ආබාධිත සහායක උපකරණ ලබාදීමේ වැඩසටහන යටතේ, මානුෂීය මෙහෙයුමේ දී සිය ශරීරාංග පුද කළ ඩබ්ලිව්. ඒ. ජයන්ත වීරතුංග රණවිරුවා හට රෝද පුටුවක් පරිත්‍යාග කිරීම 2020.10.14 දින සිදු කරන ලදී. කෑගල්ල දිස්ත්‍රික් භාර නිලධාරී ප්‍රසන්න සත්සර මහතාගේ සංවිධානයෙන් සිදු කෙරුණු මෙම අවස්ථාව සඳහා යටියන්තොට සංසදයෙහි සාමාජිකයින් නිලධාරීන් කිහිපදෙනෙකු ද සහභාගී වූහ.